Etalbond samlokuklæðningar hafa reynst afar vel hér á landi. Hægt er að hafa mismunandi útfærslur á klæðningunni eins og með 2mm álið. Mikið litaúrval og mismunandi þykktir eru fáanlegar.
Falzonal er 0.7 mm þykkt og 600 mm breitt ál á rúllum. Álið er hannað til að skila hámarks vörn fyrir þök og veggi. Álið er læst saman með földum festingum og engin göt eru gerð á álið. Margir litir eru í boði og er klæðningin vönduð og falleg veðurkápa.
Panelklæðning er gerð úr 2 mm álplötum sem formaðar eru í panela ( tvær hliðar beygðar). Panelarnir eru síðan hnoðaðir á álundirkerfi en í boði eru tvennskonar kerfi, Triple-S og HG-kerfi. Hægt er að velja um hvort festingar eru sýnilegar eða faldar.
Sink hefur verðið notað í aldaraðir til að klæða þök og veggi. Sinkið hefur ótrúlega endingu og er almennt talað um að endingartíminn sé a.m.k. hundrað ár.